دعك من محاكمة مرسى والقفص الزجاجى وسيبك ان القاضى معرفش ينطق بسم الله الرحمن الرحيم صح وسيبك ان رئيس المحكمة لما ساله مرسى انت مين قال انا رئيس محكمة جنايات مصر مع ان مافيش حاجة اسمها رئيس محكمة جنايات مصر يبدو ان القاضى لايعرف حتى منصبه (مصيبة طبعا ) المهم بدات النيابة المرافعة وذكرت اشياء اثارت انبهارى النيابة قالت ان 70 فرد تسللوا عبر الانفاق بسيارات دفع رباعى مسلحة بالار بى جى والجرينوف عادى ممكن تحصل واحتلوا الشريط الحدودى بطول 60 كيلومتر وهنا يطل سؤال الم ينتهى الى علم النيابة ان الشريط الحدودى بين قطاع غزة ومصر 14 كم فقط طيب الباقى ده معناه انهم احتلو اجزاء من حدود مصر مع اسرائيل طب ومش عيب برضه النيابة تقول ان 70 واحد يحتلوا 60 كم يعنى كل واحد هيحتل كيلو الا حته واين كان الجيش والمخابرات الحربية بقياد المشير الفريق و70 واحد بيحتلوا 60 كيلو امال لو جيش نظامى هجم علينا هايحتلوا ايه تعال بقى نشوف ال 70 الجبارين دول عملوا ايه فجروا الاكمنة الحدودية ماشى ياعم وخط الغاز شغال برضه 70 ويعملوها وخطفوا ظباط وعساكر شغال جايز عندهم اماكن فى العربيات المهم 70 عبرو سيناء وفجروا الاماكن الحكومية والامنية كلها ومحدش كلمهم وطبعا لازم يعبروا قناة السويس فضلت اسال نفسى طب هما راكبين عربيات دفع رباعى مسلحة طب يا ترى عدوا نفق ولا من كوبرى السلام ولا معديات مالناش دعوة برضه بالمخابرات ولا الجيش خلينا مركزين مع 70 المهم انهم فضلوا ماشين لحد ما وصلوا القاهرة عاصمة جمهورية مصر العربية وقسموا نفسهم ل 3 مجموعات ده كلام النيابة يعنى المجموعة هيبقى فيها قول 25 وتوجهو صوب سجون ابو زعبل والمرج ووادى النطرون وال 25 نجحو فى تهريب المساجين من كل سجن بس بعد ما هربوهم عملوا حاجة غريبة النيابة بتقول انهم سرقوا المواشى والفراخ والمواد الغذائية والاثاث من السجن يعنى كمان حملوا العفش والبهايم والفراخ فى العربيات ارجو ملاحظة انى بقول اللى قالته النيابة المهم ان 70 هربوا 20 الف سجين وخدو الفراخ والبهايم كان ناقص يقول وراحو اتغدوا فى كنتاكى ورجعوا وعدوا من قناة السويس ودخلوا سيناء تانى وراحو على غزة واكيد بقى سابو الستين كيلو اللى كانوا محتلينهم واكيد بتوع حزب الله اخدو طيارة من غزة على لبنان بس فيه حاجة محيرانى فى القصة دى فين سيرة اللواء البطران اللى اتقتل لما رفض فتح السجون محدش ذكر اسمه ولا جاب سيرته مع انه هو اللى كان ماسك سجن وادى النطرون وقيل اته اتقتل برصاص حكومى فى النهاية كلام النيابة ده لو صح لازم يتحاسب المقصريين اللى اتسببوا فى الفضيحة دى اما اذا كان غلط فيبقى الغلط على الزلط
إرسال تعليق