منع والدة تسنيم عبد الحكيم من رؤيتها أثناء العرض على النيابة أمس لأنها منتقبة!

والدة تسنيم عبد الحكيم

كتبت شقيقة "تسنيم عبد الحكيم" على صفحتها فيس بوك :

الصورة تتحدث عن نفسها
بص كدا ع الصورة كويس،، عارف مين الي ف الصورة
دي ام اتحرمت من بنتها شهر ،، وهاتتحرم منها تاني 15 يوم بعد التجديد
عارف يعني ايه بنت نفسها تشوف وش والدتها ومش عارفه عشان والدتها منتقبة
طب متخيل ان والدتها حاولت تطلع المحكمة عشان تشوفها يقوم الباشا يمنعها ويقولها اقلعي النقاب وسيبيه هنا وانا اطلعك تشوفيها
عارف يعني ايه بنت تتخطف من الشارع اصلا وتتحبس مع جنائيات وتعاني من السجن دا وانت ساكت
اظن مش محتاجة افكرك ان في غزوة كاملة اتعملت عشان سيدة واحنا البنات بتتخطف وتتحبس وتنتهك ولا حياة لمن تنادي..!!
مستني تدوق من كاس الظلم عشان تتحرك

يُذكر أنه قد تم اختطاف "تسنيم" من أمام جامعة المنصورة يوم 30 أبريل، وتم تلفيق عدة تهم ضدها، من بينها: حرق بوكس شرطة، والشروع في قتل ضابط. 

وقد جددت نيابة المنصورة حبس "تسنيم عبدالحكيم" 23 سنه،  و4 طلاب آخرين 15 يوم على ذمة التحقيقات للمرة الثالثة.

  

وخلال فترة احتجازها تم ترحيلها إلى سجن منية النصر، الذي عانت فيه من المعاملة السيئه من قبل الجنائيات اللاتي تصل أعدادهن إلى 40 متهمة جنائيه معها في نفس الحجز، ما أدى إلى تدهور في حالتها الصحية بشكل ملحوظ.

وفي آخر حديث لها مع أختها استنجدت تسنيم، طالبة بإخراجها من مكان إحتجازها، حيث قالت: "عشان خاطري طلعوني من هنا ماتسيبونيش في منية النصر انتوا ماتعرفوش أنا بشوف إيه هناك".

جاء هذا في حين لا يزال طلبها يقابل بالرفض، أن يتم تحويلها إلى سجن المنصورة العمومي مع فتيات المنصورة الثلاث "منة ويسرا وأبرار "، دون إبداء أسباب واضحة.

تسنيم عبد الحكيم، الطالبة المعتقلة

تسنيم اثناء ترحليها للنيابة للمرة قبل الاخيرة